ہاؤسنگ پروجیکٹس اور وسائل کا بہتر استعمال

اکثریتی مکانوں ,ہاؤسنگ پروجیکٹس کی تعمیروتوسیع کاطریقہ کار ہی غلط ہے ۔۔مہنگے شہروں میں آبادہونے کی غرض سے چھوٹے چھوٹے ، تنگ وتاریک اپارٹمنٹ ہوں ،یا مضافاتی علاقوں میں کی جانے والی تعمیرات،  ہمیں یہ نہیں بھولنا چاہیے کہ رہائشی مقاصد سے کی جانے والی پلاننگ،  اور اس کے بعد کاتعمیری عمل شہر اور شہریوں کی زندگیوں پہ دوررس اثرات کاحامل ہوتاہے ۔ 

                ماضی کے سنہرے دنوں کی مثال

                ہم اپنی روزمرہ زندگی میں ماضی کی مثالیں توبہت دیتے ہیں ،  جب ہماری زندگی نہایت آرام دہ ہواکرتی تھی ۔۔چاہے وہ دیہاتی لائف سٹائل رہاہو، یاشہری ،  ہمیں وہ بے فکری گرم جوشی کے سنہرے دن توخوب یاد ہیں ، لیکن ہم یہ سوچنے یاکھوجنے کی زحمت ہر گزگوار ا نہیں کرتے کہ آخر وہ کیاخصوصیات ہیں جو اُن دنوں کو آج ہماری بے اطمینانی سے مختلف بناتی ہیں؟

                ماضی کی حسین البم میں محفوظ ہماری یادداشت کے ان باآسائش گھروں کی ایک بنیادی خصوصیت تو یہ تھی، کہ انہیں اہلِ خانہ کی ضروریات اور گنجائش کو مدِ نظر رکھتے ہوئے ، بڑی محبت اور توجہ سے بنایا جاتا تھا۔۔اور ایساکرتے ہوئے وہ اپنے گردوپیش کی کمیونٹی کے احساس سے بھی غافل نہیں رہتے تھے ۔

                اگرہم آغاز پروجیکٹ کی مثال لیتے ہیں ،  تو اعظم قمر ڈیویلپرزنے ایک ایساگوشہ عافیت بسانے کاخواب دیکھا، جہاں گھرمیں آپ محض دن بھر کی تھکاوٹ اتارنے کے لیے نہیں جاتے ،  بلکہ ایک ایساگھر جہاں آپ اپنے اہلِ خانہ کے ساتھ، عزیزوں اور دوست احباب کے ساتھ نئی یادیں بناتے ہیں۔۔رشتے ناتے بنتے ہیں ۔۔معاملات ِزندگی اور سماجی وابستگی کا احساس قائم ہوتاہے ۔۔آپ کا جی چاہتا ہے تو آپ وہاں اپنی خوراک ،پھل پھول اور سبزیاں خوداگاتے ہیں ۔۔توانائی خود پیداکرتے ہیں ۔۔اور باہمی میل جول سے تنہائی کے لمحات تک زندگی کے تمام ذائقوں سے حسب ِمنشالطف اٹھاتے ہیں ۔۔اور یہ صرف خواب نہیں تھا ،  کیونکہ خوابوں کو اتھارٹیزسے این اوسی نہیں ملتی۔۔آغازپروجیکٹ نے انہی فرد کی انہی تمام خواہشات کو مدِ نظر رکھتے ہوئے جس ہاؤسنگ پروجیکٹ کی داغ بیل ڈالی ، وہ ادارے کے ماہرین کی تعمیری تجاویزکے ساتھ ساتھ ان کے وسائل سے حتی الامکان استفادہ کرنے کی اس صلاحیت کامنہ بولتاثبوت ہے ،  جس کی آج کے دور میں ہمیں اشد ضرورت ہے ۔

پائیدار تعمیراتی طریقے

ہاؤسنگ پروجیکٹس میں وسائل کے بہتر استعمال کا پہلا قدم پائیدار تعمیراتی طریقوں کا اپنانا ہے۔ یہ طریقے نہ صرف ماحول دوست ہیں بلکہ طویل مدتی پروجیکٹس میں لاگت کی بچت بھی کرتے ہیں۔ مثلاً، توانائی کی بچت کرنے والے مواد کا استعمال، جیسے کہ تھرمل انسولیشن، اور پانی کی بچت کے لیے جدید ٹیکنالوجیزکااستعمال، نہ صرف رہائشی سہولیات کی کارکردگی کو بہتر بناتا ہے بلکہ تعمیراتی لاگت کو بھی کم کرتاہے۔

مقامی وسائل کا استعمال

ہاؤسنگ پروجیکٹس میں مقامی وسائل کا استعمال بھی ایک نہایت اہم حکمت عملی ہے۔ مقامی مواد، جیسے کہ علاقائی پتھر، مٹی، اور لکڑی، کا استعمال نہ صرف مقامی معیشت کو فروغ دیتا ہے بلکہ نقل و حمل کے اخراجات کو بھی کم کرتا ہے۔ اس کے علاوہ، مقامی مزدوروں کی بھرتی سے روزگار کے مواقع پیدا ہوتے ہیں، اس طرح یہ پوراتعمیری عمل خطے کی معاشی ترقی میں بھی مددگار ثابت ہوتا ہے۔

جدید ٹیکنالوجی کا استعمال

جدید ٹیکنالوجی ہاؤسنگ پروجیکٹس میں وسائل کے بہتر استعمال میں اہم کردار ادا کر سکتی ہے۔۔۔ ایساکرنے سے انسانی توانائی اور وسائل کی خاطر خواہ بچت ہو گی اوراس بچت کورہائشی سہولیات کی کارکردگی کو بہتر بنانے میں استعمال کیاجاسکتا ہے۔

کمیونٹی کی شمولیت

وسائل کےازحد بہتر طریقے سے استعمال کاعمل کمیونٹی کی شمولیت کے بغیر بھی کامیاب نہیں ہوسکتا۔۔کیونکہ بالآخر ہر منصوبہ بنتا تو اسی لیے ہے کہ انسان اس سے استفادہ کرسکیں اور اس کے ثمرات سے فیض یاب ہونے کے لیے ان انسانوں کابھی اس ترقیاتی عمل میں شامل ہونا ناگزیر ہے ۔۔ جب مقامی لوگ منصوبوں میں شامل ہوتے ہیں تو وہ اپنی ضروریات اور خواہشات کے مطابق رہائشی منصوبے کی تشکیل میں مدد کر سکتے ہیں۔ اس کے نتیجے میں، ہاؤسنگ پروجیکٹس زیادہ موثر اور مقامی ثقافت کے مطابق ہوتے ہیں، جو کہ طویل مدتی منصوبوںمیں کامیابی کی ضمانت ثابت ہوسکتے ہیں۔

ماحولیاتی تبدیلیوں کے اثرات کو کم کرنے کے طریقے

ماحولیاتی تبدیلیوں کے اثرات، جیسے کہ بڑھتا ہوا درجہ حرارت، شدید بارشیں، اور پانی کی کمی، ہاؤسنگ پروجیکٹس کی منصوبہ بندی اور تعمیرات پر گہرے اثرات مرتب کر رہے ہیں۔اگر ہاؤسنگ پروجیکٹس میں جدید اور پائیدار طریقوں کو نہ اپنایا جائےتویہ ماحولیاتی تبدیلیاں آئے دن نت نئے اخراجات کاباعث بنتی ہیں، جن سے پروجیکٹ کامالی گوشوارہ درہم برہم ہوسکتاہے۔چنانچہ ضرورت اس امر کی ہے کہ پیشگی ایسے اقدامات کیے جائیں ،جن سے ان ماحولیاتی اثرات کابخوبی سامناکیاجاسکے۔۔ جیساکہ توانائی کی کارکردگی کو بہتر بنانا ماحولیاتی تبدیلیوں کے اثرات کو کم کرنے میں کافی مددگار ثابت ہو سکتا ہے۔ توانائی کی بچت کرنے والے آلات، سولر پینلز، اور بہتر انسولیشن، ہاؤسنگ پروجیکٹس میں  توانائی کی ضروریات کو کم کر سکتے ہیں۔ یہ اقدامات نہ صرف توانائی کی بچت کرتے ہیں بلکہ صارفین کے بجلی کے بلوں میں بھی کمی لاتے ہیں۔

سبز جگہوں کی فراہمی

ہاؤسنگ پروجیکٹس میں سبز جگہوں کی فراہمی ماحولیاتی تبدیلیوں کے اثرات کو کم کرنے میں اہم کردار ادا کرتی ہے۔ پارک، باغات، اور سبز چھتیں نہ صرف ہوا کی آلودگی کو کم کرتی ہیں بلکہ وہاں قرب وجوارمیں رہنے والوں  کی صحت اور خوشحالی میں بھی اضافہ کرتی ہیں۔ یہ سبز جگہیں شہر کے مجموعی درجہ حرارت کو کم کرنے میں بھی مددگار ثابت ہوتی ہیں۔

مالی استحکام کی اہمیت

ماضی میں خطے کو پیش آنے والے مالیاتی بحرانوں نے یہ واضح کیا ہے کہ کسی بھی ہاؤسنگ پروجیکٹ کی بنیاد مالیاتی استحکام پر ہونی چاہیے۔ اگر پروجیکٹ کا مالی ماڈل مضبوط نہ ہو تو یہ جلد ہی مشکلات کا شکار ہو سکتا ہے۔ ہاؤسنگ پروجیکٹس کے لیے ضروری ہے کہ وہ اپنی مالی حکمت عملیوں کو مضبوط بنائیں، جیسے کہ مناسب قرضوں کی مقدار، سرمایہ کاری کی منصوبہ بندی، اور مارکیٹ کی طلب کا تجزیہ وغیرہ۔۔ان پہلوؤں پر بروقت غور کرتے ہوئے لچکدار منصوبہ بندی سے ممکنہ طورپر مالی تحفظ حاصل کیاجاسکتاہے ۔

اونچی دکان پھیکاپکوان کی روش سے گریز

فی زمانہ زیادہ تر کمرشل پروجیکٹس ہاتھی کے دانت ثابت ہوتے آئے ہیں، کھانے کے اور دکھانے کے اور۔۔ اور جب تک صارف کو اپنے وقت ،توانائی اور وسائل کے زیاں کا احساس ہوتاہے، بہت دیر ہوچکی ہوتی ہے۔۔چنانچہ دیانت دارانہ ہاؤسنگ پروجیکٹس کوفروغ دینے کے لیے یہ ضروری ہے کہ ہم مواد، مزدوری، اور مالی وسائل کو اس طرح استعمال کریں کہ وہ صرف اوپری سطح پہ ہی خوش نمانظر نہ آئیں،بلکہ ظاہر ی چمک دمک اورپروموشن کا ڈھول پیٹنے کی بجائے اپنی کارکردگی سے لوگوں کادل جیتیں۔۔آپ خود اندازہ کرسکتے ہیں کہ صرف اندازِ فکر بدل کے کتنے سرمائے اور وسائل کی بچت ہوسکتی ہے ۔

ممکنہ خطرات کا بروقت تجزیہ

ہاؤسنگ پروجیکٹس کی منصوبہ بندی کرتے وقت، ہمیں ممکنہ مالیاتی دشواریوں اور رکاوٹوں کو ہرگز نظر اندازنہیں کرناچاہیے ۔۔چنانچہ ان کے حل کے لیے حکمت عملی تیار کرنابھی پیشگی طورپہ لازم ٹھہرتاہے۔ اس عمل میں مارکیٹ کے اتار چڑھاؤ کے بارے میں خاطر خواہ آگاہی، متبادل مالی ذرائع کی تلاش، اورممکنہ خطرات کابروقت اور راست تجزیہ شامل ہے۔۔تبھی مسیر شدہ وسائل کو ٹھیک سے برتاجاسکے گا۔

تربیت اور آگاہی

وسائل کے بہتر استعمال کے لیے ہاؤسنگ پروجیکٹس میں شامل افراد کی تربیت اور آگاہی بھی ضروری ہے۔۔ اگر تعمیراتی عملے اور منصوبہ سازوں کو جدید تکنیکوں اور طریقوں کے بارے میں آگاہ کیا جائے تو وہ زیادہ موثر انداز میں وسائل کا استعمال کر سکیں گے۔

نتیجہ

\ہاؤسنگ پروجیکٹس میں وسائل کا بہتر استعمال صرف ایک ضرورت نہیں بلکہ ایک ذمہ داری بھی ہے۔ اس طرح ہم نہ صرف رہائشی بحران کا مقابلہ کر سکتے ہیں بلکہ ایک خوشحال اور مستحکم معاشرہ بھی تشکیل دے سکتے ہیں ۔آغاز ہاؤسنگ پروجیکٹ جیسے منظم اور انسان دوست پروجیکٹس پائیدار طریقوں کو اپنانے کے ذریعے، نہ صرف گھر بناتے ہیں بلکہ خطے میں ایک خوشگوار مستقبل کی بنیاد بھی رکھتے ہیں۔ کیونکہ قصہ مختصر ، آج کی تھوڑی سی منصوبہ بندی ہمیں کل کلاں کوپیش آنے والے بہت سے حیران کن دھچکوں سے بچا سکتی ہے۔۔۔اوریقیناًکل کو کوئی بھی اپنے بچوں کو یہ وضاحت نہیں دینا چاہے گاکہ جہاں لان یا باغ ہونا چاہیے وہاں صرف کنکریٹ کا ایک گرم رہنے والافرش کیوں بچھاہواہے۔۔چنانچہ ہمیں نیک نیتی سے ایسے مقامات تخلیق کرنے کی ضرورت ہے جو ہمارے خاندانوں اور کرہ ارض  دونوں کی پرورش کریں، یہ یقین دہانی کرتے ہوئے کہ ہم جو اثاثہ چھوڑکر جائیں گے، وہ محبت اور خوشیوں کی ایک وراثت ہوگی۔

Call us: +92 345 8600 103

Email: info@aqdevelopers.com